Žukarav les vov
Inkerimata
Rekordingo
E Žukarav les vov jekh kamimaski gjili ande soste jekh romnji phenel avri ke sar merel ande pesko partneri. Ale vov pale jekha kavera kamel aj e žuvlji iva žukarel. O rekordingo tala e Ruža Nikolić-Laktosaki aj lake romeski, le Mišo Nikolićeski prezentacia sas kerdi ando Amerlinghaus ando 1991.
Mužikalno iskiripe pala o lil Romane gila. Lieder and Tänze der Roma in Österreich.
E Žukarav les vov jekh originalno kreacia si so e gjilabatorka e Ruža Nikolić-Lakatos kerdas pala jekh pinžardi melodia.
E Ursula Hemetek, etnomuzikolokinja, kade iskirij tele e gjilj Žukarav les vov:
“Katja pharajimaski kamimaski anda Njamco šindjol, kana inke e terni familia phirkerelas te len pe colonca. […] Bešenas ande pengi cerha erat; o Mišo las pesko gitari, kerdas jekh improvizacia aj arakhadjilas jekh gjili. […] Kajso daba hasnin o glaso te keren e gjili maj šukar aj te sikaven pe avri, kodo zurarel ke e gjili na dulmut kerdjilas.”
La gjilako eredeto (origina, polekra) si sarso sas vi e Tunjariko sas.
Xaing:
- Hemetek, Ursula et al. Romane gila. Lieder und Tänze der Roma in Österreich. (Österreichische Dialektautoren, Hrsg.). Wien: Institut für Volkmusikforschung an der Hochschule für Musik und darstellende Kunst, 1992.
Kako rekordingo tala e patjiv anda la Ruža Nikolić-Lakatosake rakhadjimaske berš sas kerdo ando 1993. E vendigura (gostura), maškar lende o phral la gjilabatorkako, o Fasoš Lakatos aj laki dej, gjilaben paše aj le najenca bašaven.
Komentari
(NUMA NJAMCICKA) Ande jekh avralune rodimatango interju, e Manuela Nikolić, e šej la Ruža Nikolić-Lakatosako aj le Mišo Nikolićeski, del te phenel ke so inkrel pe ande gjili Žukarav les vov.
Vorbi
Štrofa 1
| Žukarav les vov mande t’avel |
| taj muro muj te šaj te čumidel, |
| pe les te šaj dikhav aj les te čumidav, |
| ke feri les kamav. |
| Me gindij ke vov avra kamel |
| taj mande maj but šoha či avel. |
Refreno
| Pe mande bisterdas |
| taj po šukarimo so amen dujen sas. |
Štrofa 2
| Me žukarav kodoles kas kamav, |
| tunjariko perel taj vov inke či avel, |
| ke čačimasa vov avra kamel |
| taj mande maj but šoha či avel. |
Refreno
| Pe mande bisterdas... |
Štrofa 3
| Me žukarav, gindij ke kam avel. |
| Vov avrate gelas lako muj te čumidel, |
| ke čačimasa vov vi la kamel |
| taj mande maj but šoha či avel. |
Refreno
| Pe mande bisterdas... |
Zitierempfehlung anzeigen
Bitte zitieren Sie diese Seite wie folgt:
Music and Minorities Research Center, "Žukarav les vov", Ružake gila, zuletzt besucht am Loading date..., doi.org/10.21939/540b-q916
