Žo-tar mange, žo-tar
- Genre
- langsames Lied
- Thema
- Klagelied
- DOI
- doi.org/10.21939/6md1-r144
Inkerimata
Rekordingo
E Žo-tar mange, žo-tar jekh brigaki gjili pa jekha romnjako bipatjivalipe aj pa lako bibaxtalo rom. Vi kana pela sando lažavo misto la romnjako lubnjipe, o rom zumavel te inkrel peski patjiv maj dur maškar le rom, aj akharel le romen te pen.
Mužikalno iskiripe pala o liloro so phirel paša o CD Amare gila - Unsere Lieder / Our Songs
E loki gjili Žo-tar mange, žo-tar pa jekh rom si kaj muklas les e romnji. Vatjij pesko dukhajipe aj šol o fokuso pe peske cine šavora kaj mukle le palal aj save akana xasarde penga da. Žal e vorba vi pa o socialno krujalipe. E Ursula Hemetek etnomuzikolokinja del te phenel:
“Baro lažavo si kana vareko mukel pe, aj o manuš si te zumavel te lel palpale peski patjiv. […] E dragostime žene akhardjon te pen aj te keren e voja kaj te xaladjol o lažavo. Kadi gestikulacia sikavel jekh zuralo phandadjuvipe maškar o ženo aj o grupo, la romana kulturaki pozitura. Ande gjili Žo-tar mange, žo-tar, e romnji savi muklas peske romes či avel palpale. Pen penge khetanes aj čačvaren ke vi akana patjivalej.”
E Žo-tar mange, žo-tar jekh phurani gjili so e Ruža Nikolić-Lakatos khatar pesko dad sitjilas. Vov pale žanelas la khatar pesko dad aj dej. Pharoj te phenel pe ke vorta kana kerdjilas e gjili, numaj maj cera trine generaciangi phuri. E Ruža parudas e gjili te pasuil paša pesko personalno gusto kaj te phandavel pe paša lako trajo. Voj inkerdas e anava peske šavenge, o Johnny aj o Sascha. Informalno akharelas la vi sar “Le Johnnyeski gjili”.
Xaing:
- Amare gila - Unsere Lieder – Our Songs. Ruža Nikolić-Lakatos u.a., eine Dokumentation der Lovaraliedkultur in Österreich. CD mit Begleitheft. In der Reihe: Tondokumente zur Volksmusik in Österreich Vol.4, März 1994, Neuauflage 1998.
Komentari
(NUMA NJAMCICKA) E Ruža Nikolić-Lakatos gjilabatorka del te phenel la Ursula Hemetek etnomuzikolokinjake ke so hatjardjol tala e gjili Žo-tar mange, žo-tar. Kadi jekh brigaki gjili, aj sako data zurales miškij pe lako ilo kana gjilabel la. Vazdel avri vi kodo, ke katja jekh pinžardi, phurani gjili.
Vorbi
Štrofa 1
| Jaj de žo-tar mange, žo-tar, |
| de erekre žo-tar |
| jaj de bare lažavestar, |
| jaj de Johnny, la bara brigatar. |
Štrofa 2
| Jaj de so kero ma, Devla, |
| kaj šo muro šero? |
| Jaj de bare gindondar, |
| jaj de mamo, la bara brigatar. |
Štrofa 3
| Jaj de xoxadas ma, mamo, |
| de kodi bari kurva, |
| jaj de čoradas de, mamo, |
| jaj de mure cigne xurde šaven. |
Štrofa 4
| Jaj de žutisar ma, Devla, |
| jaj de na muk te xasajvav, |
| jaj de te šaj kerav vi me |
| jaj de Johnny, e Romengi voja. |
Štrofa 5
| Apal phendas: |
| Jaj de mang mol, Johnny, mang mol |
| de bute Romenge! |
| Jaj de Johnny mol mangela, |
| jaj de Saša apal pokjnela. |
Štrofa 6
| Jaj de keras, Johnny, keras |
| de e Romengi voja |
| jaj de te na phenen, dade, |
| jaj de či sam ame laše šave. |
| Sa tja patjivake, Uschi! |
Literatura
- Hemetek, Ursula: Comparison of Žo-tar mange žo-tar and Tu gelan tar a lumasa, a slow song and a new song; In: Amare gila - Unsere Lieder – Our Songs. Ruža Nikolić-Lakatos u.a., eine Dokumentation der Lovaraliedkultur in Österreich. CD mit Begleitheft. In der Reihe: Tondokumente zur Volksmusik in Österreich Vol.4, März 1994, Neuauflage 1998. PDF
Zitierempfehlung anzeigen
Bitte zitieren Sie diese Seite wie folgt:
Music and Minorities Research Center, "Žo-tar mange, žo-tar", Ružake gila, zuletzt besucht am Loading date..., doi.org/10.21939/6md1-r144
