Tela veš o baro
Inkerimata
Rekordingura
E Tela veš o baro maškar e neve gjila šindjol, aj e Ruža Nikolić-Lakatos aj o Mišo Nikolić iskirisardas (ramosardas) la. E vorbi pa jekh harmoniaki pozitura si anda o tradicionalno romano trajo. Katja si e slobodo ritmikangi, maj phurani verzia la gjilaki. O rekordingo ando 1993 sas kerdo ande Nikolić familiako kher.
Mužikalno iskiripe pala o liloro so phirel paša o CD Amare gila - Unsere Lieder / Our Songs
E Ruža Nikolić-Lakatos originalno gjilabelas Tela veš o baro ande loki, slobodo ritmikangi verzia. Khetanes peska familiasa, o The Gypsy Family, lašardas e gjili te avel maj sigjardi verzia unji berš maj palal. Anda kodo kerde kado, kaj te lašaren la paša e gažikani publika, save či hatjaren e romani šib. E Ursula Hemetek etnomuzikolokinja del te phenel:
“E mužikako paruvipe tala e oxto berša maj bute butjandar sas kerdo. Jekh anda e maj šerutne si, ke e Ruža anglunes las te gjilabel le gažikane publikange ando 1989, aj ke o paruvipe la publikako agordjilas vi ande štilosko paruvipe. Ando nakhlutnipe šaj patjalas, ke sako vorba ande lake gjila hatjarelas laki publika, aj ke e žene so šunenas vorta šaj uštavenas ande interakciako proceso la kulturasa, kajso lenas pe ande dialoga lasa, ale agjes maj anglal kacave manuš si ande publika save či hatjaren či jekh vorba. Kajso e interakcia la publikasa vi akana jekh šerutno prezentaciako faktoro si la Ružake, voj sas te arakhel droma aj instrumentura te del opral pa la publikako ‘bišajunipe’. Kana kodo kames, ke vi jekh Austriaki publika te gjilabel paše, atunči naštik keres kodo romanes, trubul te hasnis neutralni sotagura (silabura, slogura). Šaj keres e publika vi te khelel paše kana jekh prosto ritmo hasnis. […] Maškaral pašljol e vrama e mužikalne ‘nevjarimaski’ misto kodo so e publika rodel, ale vi misto e maj ternikani generacia, specialno misto la Ružake šave, save cirden ande banda de anda 1994, kaj šerutno hatjaripe sas le paše.”
E roditorka del pesko gindo pa štilistikalni averšandimata maškar la gjilake Tela veš o baro duj variantura aj pa la publikaki reakcia:
“Žikaj e angluni verzia čačvardjol ando štilo le loke gjilango, slobodo ritkimanca aj lungi glasonca pe linejango agor ando vibrato, anda dujto verzia pale jekh khelimaski gjili kerdjol. 2/4 taj 4/4 malajimatenca makhel pe telal, žikaj e melodia, so sa jekh glasoske učimata inkrel, lašardjol paša o ritmo. Jekh elektronicko klaviri čačvarel o malajipe. Jekh nevipe dino paše pale o refreno 'la la la la la la la' si, so naštik rakhelas pe ande phurani verzia. Anda kodo šutas pe khote kodo, kaj e publika aktivno te šaj lel pe paša o gjilabajipe, aj maj butivar zurales mišto kerela pe kodo. Katja nevi verzia bares kreativnoj, aj resel kodo so vi e publika kamel, kaj či hatjaren či jekh vorba, haj ‘khere’ hatjaren pe misto e vojaki moll melodia, aj misto e pinžarutne 2/4enge aj 4/4enge malajimata.”
Xaing:
- Hemetek, Ursula. (2005). „The 'Own' and the 'Foreign' based on the Minority Focus of the Institute for Folk Music Research and Ethnomusicology.“ In: Grupe, Gerd (ed.), Music Ethnology and Folk Music Research in Austria: The 'Foreign' and the 'Own'? Aachen: Shaker Verlag, 2005. pp. 117-135.
Pala unji berša e Ruža Nikolić-Lakatos aj The Gypsy Family kerde jekh sigjardi ritmikangi verzia anda e Tela veš o baro. O koruši (xoro), le vorbenca so tordjol anda "la la la" sas dino paše, kaj vi e gažikani publika te šaj gjilabel aj te khelel paše. Kadala štrofi sa jekh si la phurana verziasa. O datum le rekordingosko 2001 si aj tala jekh prezentacia sas kerdi ando Interkulttheater.
E Ruža Nikolić-Lakatos aj The Gypsy Family meklas avri katja verzia pala e Tela veš o baro pe pengo CD E Trin Worbi.
Komentari
(NUMA NJAMCICKA) E Ruža Nikolić-Lakatos aj o Mišo Nikolić den te phenen o biandjipe aj o tartalmo (inkerimata) la gjilako Tela veš o baro so sas kotor ande jekh prezentacia so sas kerdi pe pecimatangi seria Reisende auf dieser Welt ando Amerlinghaus ando 1993. E Ruža del te phenel, ke jekh tipikalno pozitura anda le romengo tradicionalno trajo makhel pe tele.
(NUMA NJAMCICKA) E Ursula Hemetek etnomuzikolokinja sikavel ande e gjili Tela veš o baro tala jekh prezentacia ando Interkulttheater ando 1993. Voj vazdel avri, ke e Ruža Nikolić-Lakatos aj o Mišo Nikolić jekh bare inspiraciango paro si, aj khetanes kerena duj neve gjila kurkestar. Dela komentari pala o drom sar kakala neve gjila keren pe, aj vazdel avri vi kodo, ke le Mišoske romane poeticki vorbi naštik bolden pe sa pe njamcicko šib.
Vorbi
Štrofa 1
| Tela veš o baro e Roma bešenas, |
| e voja kerenas, e šave khelenas. |
| |: E šave khelenas, šeja gjilabenas, |
| e phure Romenge patjiv sikhavenas :|. |
Štrofa 2
| E cigne šavora punranges phirenas, |
| varisave ande vurdona sovenas, |
| |: e Romnja bešenas taj i jag kerenas, |
| e khajnjan pekenas, anglaj Rom šuvenas :|. |
Štrofa 3
| Xanas taj pijenas, e voja kerenas, |
| jek avrenge šukar vorbi von phenenas: |
| |: Te aven baxtale, šeja taj e šave |
| save kate khelen taj i voja keren :|. |
Vastenge iskirimata le Mišo Nikolićestar
Video
E Ruža Nikolić-Lakatos aj The Gypsy Family prezentin e nevikani verzia la gjilaki Tela veš o baro pe patjiv kerdi anda o rakhadjimasko gjes le Dieter Bernerosko ando 2014. E Ruža Nikolić-Lakatos pinžardjilas le film direktorosa kana voj sikadjilas ande vendigno (gostongo) rola and krimaki seria Tatort (anglunes sas sikado ando 2005). O video sikavel e drago voja so žalas pe patjiv. O video la Ursula Hemetkako privatno rekordingo si.
Zitierempfehlung anzeigen
Bitte zitieren Sie diese Seite wie folgt:
Music and Minorities Research Center, "Tela veš o baro", Ružake gila, zuletzt besucht am Loading date..., doi.org/10.21939/jf6a-dx21
