Inkerimata
Rekordingura
E Sas ma mami dosta love šindjol maškar e loke gjila. O rekordingo ando 1992 sas kerdo ande la Nikolić familiako kher.
Mužikalno iskiripe
Le lovara ando Beči mišto pinžarena katja gjili aj vi kamena la. Vi la Ceija Stojka (1933–2013) drago gjili sas. Katja sikavel e mužikalni aj lirikalni pozituri le loke gjilange. Jekhe romesko vatjipe karing peski dej pa peski romnji kaj muklas les. Kacavo motive butivar arakhel pe maškar le loke gjila.
E Ruža Nikolić-Lakatos aj The Gypsy Family prezentin e gjili Sas ma mami doste love ando Interkulttheater ando 1995. Vi kana o rekordingo skurto ašavel pe, kerel katji te ašunel pe, specialno misto sarso cirdel pe o gitari paše dukhajimasa aj štilistikalne patjajimasa.
Kako rekordingo o Mozes F. Heinschink kerdas ando 1968 decembro ande Nikolić familiako karavanicko kher. O phral la Ruža Nikolić-Lakatosako aj vi kaver vendigura (gostura) šaj ašundjon sar gjilaben. Vi kaver reakcije so den anda jekh šaj ašundjon. O rekordingo sikavel o interaktivo xarakteri kadala gjilango so si len ande tradicionalno konteksto.
Komentari
(NUMA NJAMCICKA) E Ursula Hemetek etnomuzikolokinja sikavel ande e gjilli Sas ma mami doste love tala la Ruža Nikolić-Lakatosaki aj le Mišo Nikolićeski prezentacia ando Interkulttheater ando 1993 aj del te phenel vi o tartalmo (inkerimata).
Vorbi
Štrofa 1
| Jaj de sas ma, mami, dosta love, |
| kana nas i laši romni paša ma. |
| Xos le me, pios le, mamo hej, |
| e phralenca getonos le. |
| S’and’e šejangi xoji, |
| jaj de te merav! |
Štrofa 2
| Soste mange kadaj khure, |
| kana naj i šukar romni paša le? |
| Bikjino le, šeje, te merav, |
| tusa apal getono le. |
| S’ande e romengi xoji |
| jaj de te merav! |
Štrofa 3
| De ma, Devla, tji baxtori, |
| te šaj kerav vi me voja aba hej, |
| pijo tusa, šeje, te merav, |
| ži pe aba deteharin. |
| S’and’e romengi xoji, |
| jaj de te merav! |
Vastenge iskirimata le Mišo Nikolićestar
Zitierempfehlung anzeigen
Bitte zitieren Sie diese Seite wie folgt:
Music and Minorities Research Center, "Sas ma mami dosta love", Ružake gila, zuletzt besucht am Loading date..., doi.org/10.21939/n2t6-h734
