Ruža Šej
- Genre
- neues Lied
- Thema
- Lied über zwischenmenschliche Beziehungen (Liebe und Gesellschaft)
- DOI
- doi.org/10.21939/f4db-nm64
Inkerimata
Rekordingura
O rekordingo ande familiako kher sas opre lino ando 1994. Žikaj o štilo le gjilabaimasko zurales cirdel pe loke gjila, šaj lel pe sama ke e forma la gjilaki aba kaver si, aj sikavel ande duj kotora kaj vi o angluno aj vi o dujto melodiako kotor repetisardjol.
Mužikalno iskiripe
E Ruža šej lel e melodia khatar o Adagio kerdo le Joaquín Rodrigostar Concierto de Aranjuez so anglunes sikadjilas ande Barcelona ando 1940. Perdal maj but adaptaciji kerdjilas pinžardi ande maj but orxestra aj vi maj bute artistondar. O Mišo Nikolić iskirisardas (ramosardas) e vorbi romanes pe e melodia, aj e Ruža Nikolić-Lakatos inkerdas andral pesko anav. Butivar vazdelas avri, ke o rekordingo jekh si maškar lake dragostime gjila. O The Gypsy Family das vorta kado anav pala e gjili pala jekh CD anda pengo.
Vazdindos pe jekhe romeski perspektiva, e Ruža šej pa jekh rom si kon merel anda peski kamadi kaj bušol Ruža. Katja sas e maj drago gjili la Ruža Nikolić-Lakatosake. O rekordingo tala jekh koncerto sas opre lino ando Interkulttheater ando 1994.
E Ruža Nikolić-Lakatos aj The Gypsy Family mekle avri katja verzia pala gjili sa jekhe anavesa pe pengo CD Ruzsa Shej.
Vorbi
Štrofa 1
| Ruža šej, sostar gelantar taj man muklan? |
| Anda kodo muro ilo, Ruža šeje, mindig dukhal, |
| ke avres dikhlan taj avres tu kamlan |
| taj avresa, Ruža, gelan. |
Štrofa 2
| Žanesas, ke pala tu, šej, me merav |
| ke pala tu muro trajo taj so godi sas te dav. |
| Akanik korkoro či žanav, |
| kaj te žav tut te rodav. |
Refreno
| Šoha me kadi dukh, Ruža, či bristav, |
| či bristav anda kodo ke me tut kamav |
| pala tute, šeje, me merav |
| pala tu, Ruža, me merav. |
Štrofa 3
| Mangav tu, mangav tu, avtar palpale. |
| Ax, Devlam, sa so godi si te jertonav lake, |
| anda kodo, ke me la kamav. |
| pala tu, Ruža, me merav, |
| pala tu, Ruža, me merav. |
Maj but materiali
Concierto de Aranjuez: 2nd adagio (Paco de Lucía)
Zitierempfehlung anzeigen
Bitte zitieren Sie diese Seite wie folgt:
Music and Minorities Research Center, "Ruža Šej", Ružake gila, zuletzt besucht am Loading date..., doi.org/10.21939/f4db-nm64
