Po motori bešlem
Inkerimata
Rekordingura
E Po motori bešlem jekh lovaricko gjili si pinžardoj pe sa e luma aj lake vorbi arakhen pe ande kaver falo variantura. E Ruža Nikolić-Lakatos phenel la ande tradicia sarso voj pinžarel la. E gjili pa jekh rom si kaski romni lini sas jekhe kavere romestar aj pa lesko zumajipe te lel la palpale.
Mužikalno iskiripe pala o liloro so phirel paša o CD Amare gila - Unsere Lieder / Our Songs
Kajso e Po motori bešlem zurales pinžardo si maškar le kaver rom, si la e pozitura jekhe himnoski. E vorbi ande maj but falo variantura arakhen pe, aj ande sako jekh o angluno kotor pa la romnjako xasaripe, jekhetanutnij. Vi kodo malavel le manušes, ke e gjili ande dialogaki forma phene pe, aj o paro direktno vorbij pe ande dujto štrofa.
Pe gjilako agor, e Ruža phenel Sa tja patjivake, Uschi, aj kade del patjiv la Ursula Hemetek etnomuzikolokinjake, kon las la opre aj kerdjilas la gjilabatorkaki baratkinja (amalni) perdal e berša. Kado ande jekh drom sikavel, ke e Ruža prezentij e gjili la roditorkake aj kamel te kerel laki voja.
E Ruža Nikolić-Lakatos gjilabel Po motori bešlem tala jekh prezentacia so kerdas pe tala e pecimatangi seria Roma – Mythos und Wirklichkeit ande rugjimasko kher ande Austrian National Library ando berš 1994. Laki familia cirdel paše.
Vorbi
Štrofa 1
| Jaj de po motori bešlem, ande Pešta tradem, |
| jaj de kote line mandar mura sana gaža. |
| Jaj de te line la mandar, t’ al lenge baxtali hej, |
| t’al lenge baxtali jaj de po grastengo foro. |
Štrofa 2
| Tordjuv avri, čore, jaj de šorom lenijaba, |
| sikhav ande, šeje, savo-j tjo piramno. |
| Jaj de kuko kalo šavo phagade balengo hej, |
| ko kerel i voja jaj de ži pe de teharin. |
Štrofa 3
| Mang mol, phrali, mang mol jaj de le bute Romenge, |
| te kerav e voja jaj de vi mange v‘avreske. |
| Tranda taj duj glaži jaj de le faloske maro hej, |
| mura sana gaža jaj de paša ma tordjaro. |
Štrofa 4
| Apal phendas: |
| Jaj te trajij, tranda taj šov glaži, e faloske maro hej, |
| mura sana gaža jaj de rextsumba tordjaro. |
| Sa tja pakjivake, Uschi. Me gindij ke šukar gjili, na? |
Patreto
© Mehmet Emir (1994)
E Po motori bešlem ande rugjimasko kher ande Austrian National Library
Zitierempfehlung anzeigen
Bitte zitieren Sie diese Seite wie folgt:
Music and Minorities Research Center, "Po motori bešlem", Ružake gila, zuletzt besucht am Loading date..., doi.org/10.21939/b6pp-we91
