Phenelas mange ke kamel ma
- Genre
- neues Lied
- Thema
- Lied über zwischenmenschliche Beziehungen (Liebe und Gesellschaft)
- DOI
- doi.org/10.21939/2cj7-ng93
Inkerimata
Rekordingura
Kako rekordingo la gjilako Phenelas mange ke kamel ma si po CD Ruzsa Shej so e Ruža Nikolić-Lakatos aj The Gypsy Family mekle avri ando 1999.
Katja gjili ande loke gjilango štilo sas kerdi, ale vi kade anda peski melodiaki aj formalno moda užes dičol, ke jekh nevi gjili. Kana e Ruža Nikolić-Lakatos lelas te prezentij po simpado (phalja, stena) numaj unjivar phenelas katja gjili, ale sa maj važno (importanto) kerdjilas ande lake palune beršenge prezentaciji. Voj alosardas katja gjili pe specialni pecimata kerde anda o Department of Folk Music Research and Ethnomusicology ande University of Music and Performing Arts Vienna, sar pe patjiv kerdi pe lengo 50to beršesko boldipe ando 2015 vaj anda o monumento vazdino karing e Gerlinde Haid ando 2013 (dikh o video).
Komentari
(NUMA NJAMCICKA) E Ruža Nikolić-Lakatos sikavel ande e gjili Phenelas mange ke kamel ma tala jekh prezentacia ando Interkulttheater ando 2001. Voj vazdel avri ke katja jekh kamimaski gjili so lako rom, o Mišo Nikolić iskirisardas (ramosardas). Vi kodo phenel ke maj anglal numaj unjivar phenelas po simpado (phalja, stena) e gjili Phenelas mange ke kamel ma.
Vorbi
Štrofa 1
| Phenelas mange, ke vov kamel ma, |
| čerhaja pa čeri sas t’anel, |
| feri te šaj sikhavel vo mange, |
| ketji zurales vo man kamel. |
Štrofa 2
| Phenelas mange, ke vov kamel ma, |
| phenelas, pala ma vov merel. |
| I: Či žanos, ke feri xoxavel ma, |
| taj avra paša man kamel :I |
Štrofa 3
| Ax muro Del, so žano čori te kerav, |
| ke palpale či avel, kodo me žanav. |
| Kana mure šavoren dikhav, |
| kamav vadj niči, musaj mange te rovav. |
Štrofa 4
| E Devlestar kodo mangav leske, |
| lasa baxt te na del les o Del, |
| I: ži kaj mande palpale či avla, |
| bočanato mandar te mangel. :I |
Štrofa 5
| Ax muro Del, so žano čori te kerav, |
| ke palpale či avel, kodo me žanav. |
| I: Kana mure šavoren dikhav, |
| kamav vadj niči, musaj mange te rovav. :I |
Vastenge iskirimata le Mišo Nikolićestar
Video
E Ruža Nikolić-Lakatos phenel e gjili Phenelas mange ke kamel ma tala jekh pecipe so vazdelas e angluni memoria anda o meripe la Gerlinde Haidako pe University of Music and Performing Arts Vienna ando 2013. Voj bišavel e gjili la roditorkake ande jekh personalno verzia bi te cirdel pe paše. Katja prezentacia misto maj but drom trubul te pomenij pe: sikavel e vorta komunikacia so e Ruža Nikolić-Lakatos kerel la publikasa, aj maškar peske vorbi phenela vi la mula rajako anav. Mužikalno katja verzia kajso či cirdel pe paše si jekh pelda (primer, ekzamplo) te sikavel ke so bare šukarimaski kvaliteta del e Ruža sar gjilabel, aj misto kodo či trubul te hatjarel pe či e šib.
Zitierempfehlung anzeigen
Bitte zitieren Sie diese Seite wie folgt:
Music and Minorities Research Center, "Phenelas mange ke kamel ma", Ružake gila, zuletzt besucht am Loading date..., doi.org/10.21939/2cj7-ng93
