E gjili Opre šute aba mange jekhe manušesko vatjipej kon avel ande Austria aj lel pe jekha lina žuvjlasa. Kodo šol les ande bare pharimata, ke le kaver murš akana dikhen les tele aj vi našaven les. O rekordingo tala jekh koncerto sas kerdo so kerdas e Ruža Nikolić-Lakatos aj lako rom o Mišo Nikolić ando Amerlinghaus ando 1991.

Mužikalno iskiripe pala o lil Romane gila. Lieder und Tänze der Roma in Österreich.

O rekordingo pe jekh lovaricko patjiv kerde ande Nikolić familiako kher ando 1993. E vendigura (gostura), maškar lende o phral la Ružako aj aver njamura, gjilaben paše zurales, specialno e linejange palune glasura. Vorbin and vi den komentari maškaral. O rekordingo del palpale e voja la patjivaki, kaj e mužika šol pe anglal, aj vi sikavel la gjilako pinžarutnipe.

E gjili Opre šute aba mange phendi pe jekh koncerto kerdo khatar e Ruža Nikolić-Lakatos aj o Mišo Nikolić ando Interkulttheater ando 1993.

(NUMA NJAMCICKA) E etnomuzikolokinja Ursula Hemetek prezentisarel e gjili Opre šute aba mange tala e Ruža Nikolić-Lakatosaki aj le Mišo Nikolićeski prezentacia ando Interkulttheater ando 1993. Voj anglal šol ke e gjili jekhe terne ungrikone romesko vatjipej. Del o gjes armaja kana reslas ando Beči, kajso pelas ande bari prikežija ke sas les vast paša jekh romnji.

Vastenge iskirimata le Mišo Nikolićestar