Opre phirdem
Inkerimata
Rekordingura
E Opre phirdem si jekh ašarimaski gjili karing o šukaripe jekha šako. Mužikalno užes šaj uladjol ande duje kotorende, pe jekh loko aj pe jekh sigjarimasko kotor. Katja jekh pinžardi gjili, so e Ruža Nikolić-Lakatos butivar sar paluni gjili phenelas pe prezentaciji. O rekordingo ando 1991 sas kerdo tala jekh prezentacia so e Ruža Nikolić-Lakatos aj o Mišo Nikolić dine ando Amerlinghaus.
Mužikalno iskiripe pala o lil Romane gila. Lieder und Tänze der Roma in Österreich.
E Opre phirdem si jekh anda e neve lovaricki gjila so sas gjilabado khatar e Ruža Nikolić-Lakatos specialno kana lelas pe aj kana končijas pe e prezentacia, kajso kerel jekh laši atmosfera aj del troma la publikake te maren e vast paše.
E entomuzikolokinja Ursula Hemetek iskirij kadala vorbi pa e gjili:
“Katja ašarimaski gjili karing o šukaripe jekha šako užes sikavel o averšandipe maškar jekh bimetrikongi aj metrikosa phandli interpretacia. E intrego melodiaki akcia le gitaroske bašavimastar umbladjol.
E gjili šinadjolas anda jekh verzia ande la Ružaki memoria so voj polakicko romendar ašundas varekana. Parudas la aj phenelas la pe peske but prezentaciji sar e paluni gjili, ke o refreno ritmikasa zurardo zurales kuč sas la publikake.”
Xaing:
- Hemetek, Ursula et al. Romane gila. Lieder und Tänze der Roma in Österreich. (Österreichische Dialektautoren, Hrsg.). Wien: Institut für Volkmusikforschung an der Hochschule für Musik und darstellende Kunst, 1992.
E Opre phirdem sar jekh kotor pe Ruža Nikolić-Lakatosako and le Mišo Nikolićesko koncerto ando Interkulttheater ando 1993, le Mehmet Emir amalikane mužikantosa so malavel o ritmo aj e publika marel e vast paše.
E Ruža Nikolić-Lakatos aj The Gypsy Family prezentin e gjili Opre phirdem kaj o Interkulttheater ando 2001. O manuš užes šaj ašunel la gjilako mužikalno lašaripe, so maj anglal sas reslas pe misto le šavengi participacia.
Komentari
(NUMA NJAMCICKA) E etnomuzikolokinja Ursula Hemetek prezentisarel e Opre phirdem tala e presentacia kerdi khatar Ruža Nikolić-Lakatos aj o Mišo Nikolić ando Interkulttheater ando 1993. Voj vazdel avri, ke e gjili specialno šaj pasuil pe sar phandajimaski gjili. Voj hatjaravel vi la gjilake inkerimata aj del troma la publikake te gjilaben aj te khelen paše. E Ruža zurarel peske vorbimata po simpade (phalja, stena).
Vorbi
Štrofa 1
| Opre phirdem me intrego Ijuma |
| taj či rakhlem me kecava šeja. |
| Kecava šukara luludja |
| ka na maj but oh aver pe ljuma. |
Refreno
| Phabol, phabol ilo romnjako, |
| ilo šukara šejako. |
| Te del o Del, ratji t'aves čerhaj |
| aj o djes luludji ande bar. |
Štrofa 2
| Lake jakha phabon sar e lampa |
| taj lake bal oh sar o somnakaj. |
| Kana sovel, mezij o kham pekel, |
| kana roveli ljuma sa merel. |
Refreno
| Phabol, phabol ilo romnjako... |
Štrofa 3
| Sunen, Sunen tumen, Romale, |
| t'aven laše, te mangaven la sa, |
| kodola šukara luludja, |
| ka na maj but oh aver pe ljuma. |
Refreno
| Phabol, phabol ilo romnjako... |
Videos
Jekh kotor video anda ORF produkcia Heimat, fremde Heimat (1997) ande kher la Nikolič familiako. Pala jekh skurto vorbisaripe, e Ruža Nikolić-Lakatos aj The Gypsy Family prezentisaren e gjili Opre phirdem.
Opre phirdem ando Amerlinghaus ando 2011
Zitierempfehlung anzeigen
Bitte zitieren Sie diese Seite wie folgt:
Music and Minorities Research Center, "Opre phirdem", Ružake gila, zuletzt besucht am Loading date..., doi.org/10.21939/d5kk-st18
