Nasvali sim, mamo
- Genre
- langsames Lied
- Thema
- Klagelied
- DOI
- doi.org/10.21939/k60b-7c39
Inkerimata
Rekordingo
E Nasvali, sim mamo jekh vatjipej karing e dej. O rekordingo ando 1965 kerdas o Mozes F. Heinschink.
Mužikalno iskiripe pala o lil Fern von uns im Traum...Te na dikhas sunende...Märchen, Erzählungen und Lieder der Lovara. Lovarenge paramiči, tertenetura taj gjila.
E Nasvali, sim mamo jekh phurani gjili so e Ruža Nikolić-Lakatos de šejori pinžarelas. Numaj unjivar gjilabelas la angla e publika aj vi cirdelas pe te phenel la angla pesko dad aj dej anda la gjilako pharo temato.
Po Phonogrammarchivango web kujbo e Christiane Fennesz-Juhasz prezentisarel la gjilabatorkako komentari pa lako tartalmo (inkerimata) aj pa semnosaripe (značenje).
Komentari
(NUMA NJAMCICKA) Ande jekh interju o Mozes F Heinschink, romana šibako eksperto, del duma la Ursula Hemetakasa, etnomuzikolokinjasa aj la Christiane Fennesz-Juhaszasa pa e gjili Nasvalo sim, mamo. Phenel ke e Ruža či jekh data či gjilabadas katja gjili angla pesko dad aj dej, aj ke inkrel tipikalni lovaricki vorbi.
Vorbi
Štrofa 1
| Nasvali sim, mamo, |
| o ilo dukhal ma, |
| joj de si te merav, mamo, hej, |
| vadj kamav vadj niči. |
Štrofa 2
| Jaj žutin man de, mami, |
| na muk te xasajvav, |
| terni sim me, mamo, hej, |
| terni sim me inke. |
Štrofa 3
| An-ta mange, mamo, |
| ilesko draboro, |
| te na dukhal mange, hej, |
| muro čoro de ilo. |
Štrofa 4
| Šero avri birij, |
| de o ilo niči |
| Šero avri birij, hej, |
| de o ilo niči. |
Štrofa 5
| Aj si te merav, Devlam, |
| vadj kanav vadj niči, |
| si te mukav, Devlam, hej, |
| e šukar ljumica. |
Štrofa 6
| Xasajlem-tar, Devlam, |
| či sama či lema, |
| xalas ma de Devlam, hej, |
| e bare gindura. |
Štrofa 7
| Soste, Marjom, soste, |
| soste barardan ma? |
| E bare gindonge, hej, |
| a bara brigake? |
Štrofa 8
| Aj soste, Devlam, soste, |
| či žutis de pe ma, hej? |
| Te šaj kerav vi me |
| maj inke vi muri voja! |
Štrofa 9
| Gelas-tar i voja, |
| gelas-tar e šave, hej, |
| aj ke si te merav, Devlam, |
| egjedil, korkoro. |
Video
Patjivatar pe le Mozes F. Heinschinkesko 70to rakhadjimasko gjes, e Ruža Nikolić-Lakatos phenel leske e gjili Nasvali sim, mamo. Katja jekh si anda le patjivarde manušeske dragostime gjila. Paša e gjilabatorka lako šavo o Mischa Nikolić cirdel po gitari.
Maj but materiali
Ando 1965 o Mozes F. Heinschink meklas avri la Nasvali sim, mamo gjilake vorbi francuzicko boldimasa ando Études Tsiganes.
Zitierempfehlung anzeigen
Bitte zitieren Sie diese Seite wie folgt:
Music and Minorities Research Center, "Nasvali sim, mamo", Ružake gila, zuletzt besucht am Loading date..., doi.org/10.21939/k60b-7c39
