Laši ratji, muri gaži

Genre: langsames Lied
Thema: Gefängnislied
DOI: doi.org/10.21939/1y4d-6m45

Inkerimata

Rekordingura

Laši ratji, muri gaži (1992)

E Laši ratji, muri gaži jekh phurani gjili so palpale anel le gruposko phurani butji, le grastengo šefto. Dikhel pe sar phanglimaski gjili, ke o šerutno xarakteri kamel bitjinel duje khuren kaj te tjinel pesko drom avri anda robija. O rekordingo ando 1992 sas kerdo ande Nikolić familiako kher tala jekh avralune rodimatango interju.

Mužikalno iskiripe

Kado jekh tipikalno phurani, loki gjili vi pala melodia aj vi pala vorbi. O vatjipej jekhe romesko ando phanglipe aj mangel peska romnjatar te lel les avri (ankalavel les) jekh khetanutno motivo si. E gjili inkrel specialno vorbengi formuli so tipikalnoj ande phurane lovaricki gjila.

Laši ratji, muri gaži (The Gypsy Family)

Pe pengo CD Ruzsa Shej, e Ruža Nikolić-Lakatos aj The Gypsy Family katja verzia mekle avri pala e gjili Laši ratji, muri gaži. Si te pomenij pe, ke katja gjili nas parudi khatar peski čačikani verzia kana kerelas pe o CD, či pala vorbi aj či pala melodia. Numaj e bašade so cirdena paše kerdjile te aven maj pherdimaske.

Laši ratji, muri gaži (B36406)

Kado rekordingo o Mozes F. Heinschink las opre ando 1968 decembro ande Nikolić familiako karavanosko kher. E vendigura (gostura) ašundjon sar den komentari palal. Kadale gjilabaimaski interaktivno natura sikavel pe ande jekh tradicionalno konteksto.

Komentari

Kommentar von Ruža Nikolić-Lakatos zu Laši ratji, muri gaži

(NUMA NJAMCICKA) E Ruža Nikolić-Lakatos aj o Mišo Nikolić den te phenen la Ursula Hemetek etnomuzikolokinjake ke so hatjardjol ande gjili Laši ratji, muri gaži. E gjilabatorka vazdel avri, ke katja gjili phuranij aj vi tradicionalnoj.

Vorbi

Štrofa 1

Sa tumara patjivake, Romale!

Jaj de laši ratji, muri gaži

o Del tusa, muro gažo.

De andem tuke duje khuren,

duje khuren tista lole.

Štrofa 2

Jaj de te andan len, muro gažo,

šude pre lo tjo sersamo.

Jaj de šude pre le salivari,

de de le te xan kukurizo.

Štrofa 3

Jaj de ande pelem aba, mamo,

ando baro vesedelmo.

Jaj de bikjin, mamo, kodoj khuren

taj le mange fiškarušes.

Štrofa 4

Jaj de taj le mange fiškarušes,

te na den ma but beršora.

Ke but beršora te dena ma,

jaj de mamo, mindjar mudarav ma.

Štrofa 5

Jaj de žutisar ma, bara Devla,

na muk aba te xasajvav,

ke terno sim me inke, Devla.

Jaj de kamav vi me slobodija.

Štrofa 6

Apal phendas:

Jaj de kamav vi me slobodija,

te šaj žav me karing khere,

jaj de te šaj žav me karing khere,

jaj de karing mure xurde šave.

Zitierempfehlung anzeigen

Bitte zitieren Sie diese Seite wie folgt:

Music and Minorities Research Center, "Laši ratji, muri gaži", Ružake gila, zuletzt besucht am Loading date..., doi.org/10.21939/1y4d-6m45