Kutka tele po fojovo
Inkerimata
Rekordingo
E Kukta tele po fojovo vaj e ‘sapeski gjili’ si jekh balada anda unji so trajin maškar le lovara. Phenel pe ke vazdjol pe jekh čačo pecipe. Pa jekh žuvljij kaj lako piramno das la buzexa te mudarel peske phrales. E Kukta tele po fojovo jekh zurales pinžardi gjili si maškar le lovara.
Mužikalno iskiripe pala o liloro so phirel paša o CD Amare gila - Unsere Lieder / Our Songs
E Kukta tele po fojovo jekh zurales pinžardi lovaricko balada si:
“Pala e forma, le lovarenge baladi - numaj jekh cino kotor lendar ašile žuvinde - si sar e loke gjila, ale le strofango rindo maj butivar phandloj aj na sar e lirikalni gjila, ale save vi kaver si ande le inkerimatange xurdimata. E balada pa e šej kon mudarel peske phrales le sapeske mirgosa (otrovosa) te kerel e voja le lubnjareski (tilhareski) šaj si pinžarutni le maj bute lovarenge vi agyes […]: le sapeski gjili, so maj butivar dialogaki forma lel, lake inkerimata maj butivar jekh si maškar le averane variantura, ale e biskepisarimasko binteteši (kazna) la šako po agor si kaveršandes strukturime ande sako pecipe. Žikaj ande e verzia so e Ruža Nikolić-Lakatos gjilabel, e mudarni, mekli le lugnjarestar (tilharestar), diljajvel aj kamel te merel, našela tar aj […] po agor merel ande jekh aver varianto sar phenena le tocicka (Slovakiake) lovara.”
Xaing:
- Cech, Petra, Fennesz-Juhasz, Christiane, Halswachs, Dieter W., taj Heinschink, Mozes. F. (eds.). Te na dikhas sunende... Lovarenge paramiči, tertenetura taj gjila. Fern von uns im Traum... Märchen, Erzählungen und Lieder der Lovara. Klagenfurt: Drava, 2001. pp.416-417.
Komentari
(NUMA NJAMCICKA) E Ruža Nikolić-Lakatos del komentari pe o rekordingo aj o drom sar gjilabadas pe e Kutka tele po fojovo aj phenel ke na sako žanel te phenel kadi gjili.
Vorbi
Štrofa 1
| Kutka tele po fojovo |
| thovel terni šej e gada hej. |
| Gelas late lubihari: |
| Les ma phenje vadj hodj niči? |
Štrofa 2
| Či lav tu me, terna Roma, |
| ke si ma jek phral, mudarel ma hej, |
| mudarel ma j'aba, phrali, |
| vadj hodį mindjar puške del ma. |
Štrofa 3
| Apal phendas: |
| Šaj žutis tu pa tjo bajo, |
| ža j’ando veš xutjil sapes hej, |
| ža j’ando veš xutjil sapes hej, |
| taj kjirav les tje phraleske! |
Štrofa 4
| Laši ratji te del o Del! |
| So kjiradan terne Romni, hej? |
| So kjiradan terne Romni? |
| Ke vadno saga maladas ma! |
Štrofa 5
| Trine mašen me xutjildem, |
| do pujonca kjiradem le hej. |
| Eta kutka, xa te kames, |
| te na pale muk les kote! |
Štrofa 6
| Kana j‘angluni roj xalas |
| leski jekh šam šargolindas hej, |
| kana dujto roj zumadas: |
| An-ta phenje muro šerand! |
Štrofa 7
| Taj či das voj aba šerand: |
| Eta, phrali, e bučuma hej, |
| eta, phrali, e bučuma |
| ke či trajis duj percura. |
Štrofa 8
| Laši ratji te del o Del! |
| So kames tu, terna Roma hej, |
| so kames tu, terna Roma? |
| Ke telje šitindem tji vorba! |
Štrofa 9
| Telje šitindem tji vorba |
| mulo pašjol ande soba hej, |
| ke mulo pašjol ande soba, |
| či trajindas duj percura. |
Štrofa 10
| Apal phendas lake: |
| Či lav tu me, terne šeje, |
| ke aj kam vi ma murdaresa hej, |
| aj kam vi man murdaresa |
| sar tje čače gugle phrales ! |
Štrofa 11
| Apal dijajlas i šej: |
| Ušti opre, mule dale, |
| taj inger ma pala tute hej, |
| taj inger ma pala tute, |
| ke čače phrales me mudardem. |
Zitierempfehlung anzeigen
Bitte zitieren Sie diese Seite wie folgt:
Music and Minorities Research Center, "Kukta tele po fojovo: Schlangenlied", Ružake gila, zuletzt besucht am Loading date..., doi.org/10.21939/dnhd-0550
