Kutka tele, mamo, e but Rom tanazin hej
- Genre
- langsames Lied
- Thema
- Klagelied
- DOI
- doi.org/10.21939/prew-t991
Inkerimata
Rekordingura
E Kutka tele, mamo, e but Rom tanazin hej jekhe romesko vatjipej kon korkori hatjarel pe aj merel te avel les paro, so maj kučeske iskirij (ramol) pe tele vi e lovendar. Sikavel ke merel ande peski arakhadjimaski phuv. O rekordingo tala jekh avralune rodimatango interju sas kerdo ando 1992 ande Nikolić familako kher and meklas pe avri ando 2016 po albumo Treasures of Fieldwork: Music from Minorities. Selected Field Recordings by Ursula Hemetek.
Mužikalno iskiripe
E Christiane Fennesz-Juhasz, etnomuzikolokinja, del komentari pe gjili Kutka tele, mamo, e but Rom tanazin hej:
“[Katja sas] lake dadeski maj drago gjili. Perdal e poeticki patretura aj metaforiange phenimata, aj vi gjilabadi vi ande angluni persona, katja gjili lel pe le korkorimasa aj la brigasa. Kodo si jekh šerutno xarakteri le loke gjilango, so gjilabel pe parlando rubato (slobodo ritmikasa), aj ke sako jekh data kana phenen pe neve kerdjon te boldena pe; ande štare linejange štrofi e hangura maškar e durarde remake glasura šaj kerdjon jekh piko kaver, aj vi e vorbii šaj parudjon so umbladjol khatar e prezentaciaki situacia aj le gjilabatoreska vojatar, šaj den pe paše vi maj but štrofi, vi šaj muken pe avri vaj šaj kerel pe vi nevo rindo, vaj lenge vorbi šaj parudjon jekh pikuco – aj ande katja pelda (primer) sako jekh kadalendar pecija pe. E gjilabatorka del gata peski prezentacia, sarso vi perel pe ande e mužikaki praktika, jekha dedikaciasa karing o ženo kon šunel (vorbisardi formula romanes. Sa anda tji patjiv, Uschi!)!” (p. 45)
Xaing thaj maj but informaciji:
- Pietsch, Rudolf, Marko Kölbl, and Hande Sağlam, eds. Tondokumente zur Volksmusik in Österreich, Vol. 8 / Sound Documents of Folk Music in Austria, Vol. 8. Feldforschungsschätze zur Musik von Minderheiten: Ausgewählte Feldaufnahmen von Ursula Hemetek / Treasures of Fieldwork on Music and Minorities: A Selection of Ursula Hemetek's Field Recordings. Wien, 2016. CD.
E Ruža Nikolić-Lakatos gjilabel Kutka tele, mamo, e but Rom tanazin hej. O rekordingo o Mozes F. Heinschink kerdas ando 1960 ande la Lakatos familiako karavano po Ringelseeplatz ande Vienna-Floridsdorf. Kako si jekh anda la gjilabatorkako maj rano rekordingo. Šuto paša palune beršenge rekordingura, čudimaski si, ke anglal numaj improvizaciake sotagondar (silabondar, slogondar) tordjol so ingren ande gjili aj getona e voja.
Komentari
(NUMA NJAMCICKA) E Ruža Nikolić-Lakatos del te phenel la Ursula Hemetek entomuzikolokinjake ande jekh avralune rodimatango interju ke so važno (importanto) si lake e gjili Kutka tele, mamo, e but Rom tanazin hej. Phandela la paša pesko dad, ko sako data fitjelijas la (delas la šol), aj tradel e gjili karing e roditorka.
Vorbi
Štrofa 1
| Jaj de kutka tele, mamo, |
| e but Rom tanazin, |
| feri me sim de čori hej |
| egjedil, korkori. |
Štrofa 2
| Jaj de lašo-j inke o Del, |
| vi ma žutija o Del, |
| kero inke de vi me hej |
| e phralengi voja. |
Štrofa 3
| Jaj de voja, bukurija |
| kerel šel ezera, |
| kerel šel ezera hej |
| maškar muro nipo. |
Štrofa 4
| Haj de so kero ma, Devla, |
| kaj šo muro šero, |
| bare čorimaske hej, |
| la bara brigake? |
Štrofa 5
| Jaj de čoro sim me, mamo, |
| čoro taj korkoro, |
| naj ma khonik de, mamo, hej, |
| ko pašа matoro. |
Štrofa 6
| Ke voja, bukurija |
| kerel šel ezera, |
| kerel šel ezera hej, |
| ando taršošago. |
| Sa tja patjivake, Uschi! |
Zitierempfehlung anzeigen
Bitte zitieren Sie diese Seite wie folgt:
Music and Minorities Research Center, "Kutka tele, mamo, e but Rom tanazin hej", Ružake gila, zuletzt besucht am Loading date..., doi.org/10.21939/prew-t991
