Korkoro kamav te avav

Genre: neues Lied
Thema: Lied über zwischenmenschliche Beziehungen (Liebe und Gesellschaft)
DOI: doi.org/10.21939/ttf8-0s98

Inkerimata

Rekordingo

Korkoro kamav te avav (1994)

Kado rekordingo Korkoro kamav te avav tala jekh khetanutno koncerto sas opre lino so kerdas e Ruža Nikolić-Lakatos, The Gypsy Family aj e banda so sas krujal o Pera Petrović vazdini. E Ruža Nikolić-Lakatos gjilabatorka lel te gjilabel, aj lako rom o Mišo Nikolić cirdel lake po gitari. O Pera Petrović uštjavel po simpado (phalja, stena), so užes šaj ašundjol anda o tapšo so avel pala leste. Bašavel pe lavuta aj unjivar vi vov gjilabel.

E gjili Korkoro kamav te avav šol pe ando žaneri le neve gjilango. O Mišo Nikolić iskirisardas (ramosardas) e vorbi, aj pinžarde gjila dine e inspiracia paša e melodia aj vi le paroski kreativiteta. Užes dičol, ke e melodia si drago vi le Pera Petrovićoske, vi kana lesko mužikalno pinžarutnipe šindjol anda kaver romani tradicia. E meklimasko temato butivar sikadjol ande la Ruža Nikolić-Lakatosake gjila.

Vorbi

Štrofa 1

Korkoro kamav te avav

taj e asvenca te rovav.

Ke kodo so manca kerdan,

nastig me šoha te bristav.

Štrofa 2

Kodo so kerdan taj gelan,

avra dikhlan, avra kamlan,

misto lako barvalimo

bisterdan mo mo kamimo.

Štrofa 3

Tu žastar late, kaj žo me?

Mure droma si phandade.

Tu žas po čeri sar čerhaj

taj mange trajo ma naj.

Štrofa 4

Apal phendas, Pera:

Aver san tu, aver sim me.

Taj či birindam ketane,

ke tu kamlan barvalimo,

man si feri kamimo.

Štrofa 5

Aver san tu, aver sim me.

Taj či birindam ketane,

ke ma nas ma barvalimo,

feri muro kamimo.

Štrofa 6

Apal inke jokar:

Aver san tu, aver sim me.

Taj či birindam ketane,

ke tu kamlan barvalimo,

kade sas sa šinado.

Vastenge iskirimata le Mišo Nikolićestar

Zitierempfehlung anzeigen

Bitte zitieren Sie diese Seite wie folgt:

Music and Minorities Research Center, "Korkoro kamav te avav", Ružake gila, zuletzt besucht am Loading date..., doi.org/10.21939/ttf8-0s98