Kadi gjili so gjilabav
- Genre
- neues Lied
- Thema
- Klagelied
- DOI
- doi.org/10.21939/hbqv-r580
Inkerimata
Rekordingura
E Kadi gjili so gjilabav si jekh brigaki kamimaski gjili ande soste jekh šej phenel avri peski kamimaski dukh aj phenel ke majnem (pašte) si te merel lestar.
Mužikalno iskiripe pala o liloro so phirel paša o CD Amare gila - Unsere Lieder / Our Songs
Pala le lovarengi tradicia, kodoj o sokaši (običaji) ke jekh žuvli naštik gjilabel bi te avel mangli opre jekhe romestar. Vorta anda kodo, ande kako rekordingo, so tala jekh prezentacia kerde ando Interkulturttheater, o Mišo Nikolić šaj ašundjol sar mangel peska romnja opre, la Ruža Nikolić-Lakatosa, te gjilabel. E paluni lineja ande gjili Kodo phende sa le Roma, kade phenela: “Ruža, phen ta mange muri gjili, phen ta mange sa anda ilo, mek ašunen la aj vi te gjilaben la.” E mangajimaski mužikaki interpretacia si kodo, so butivar ande familiako konteksto phenel pe. Kako anglal dipe o Mišo Nikolić kerdas te lel pe o programo po simpado (phalja, stena) ando Interkulttheater.
La Ruža Nikolić-Lakatosaki aj le Mišo Nikolićeski prezentacia ando 1993 lel pe le Mišosa kaj phenel e gjili Kodo phende sa le Roma. Inkerindos o lovaricko sokaši (običaji), mangel opre peska romnja te gjilabel. Avel po simpado (phalja, stena) aj lel te phenel Kadi gjili so gjilabav.
Komentari
(NUMA NJAMCICKA) E Ruža Nikolić-Lakatos, o Mišo Nikolić aj e Ursula Hemetek lašaren jekh prezentaciako koncepto pe jekhetani prezentacia ando Interkulttheater ando 1993 po oktobro 9to. Ande kako rekordingo, o manuš šaj ašunel v’el trinen sar vorbin avri penge gindura pa o udud po simpado (phalja, stena) kaj vizualno te astaren e Kadi gjili so gjilabav.
(NUMA NJAMCICKA) E Ruža Nikolić-Lakatos, o Mišo Nikolić aj e Ursula Hemetek lašaren jekh prezentaciako koncepto pe jekhetani prezentacia ando Interkulttheater ando 1993 po oktobro 9to. Vorbin pe ke sar te paruven anda e Kodo phende pe e Kadi gjili so gjilabav.
Vorbi
Štrofa 1
| Kadi gjili so gjilabav me, Romalen, |
| lasa pheno tumenge o čačimo. |
| A gjilasa, a brigasa |
| si te phenav sakoneske, |
| ke dukhal muro ilo. |
Štrofa 2
| Musaj, mamo, kade terni me te merav, |
| si te kadi šukar ljuma te mukav. |
| Si te, Devla, me dukhendar, |
| si te, mamo, a brigatar |
| kade terni te merav. |
| ||:Ke xoxadas man o šavo, |
| kas me kade but kamos, |
| misto leste nasvajlas |
| muro ilo. |
Štrofa 3
| Misto leste vi djesesa vi ratjasa |
| muro ilo pakja, mamo, či rakhel. |
| Ži kaj godi me trajino, |
| ži kaj godi me merava |
| muro ilo les kamel.:|| |
Vastenge iskirimata le Mišo Nikolićestar
Video
E Ruža Nikolić-Lakatos aj lako šavo o Mischa Nikolić prezentin e Kadi gjili so gjilabav pe o University of Music and Performing Arts Vienna po 60to arakhadjimasko djes la Ursula Hemetek etnomuzikolokinjako. La Ružako Parkinson’s nasvalipe aba zurales dičol.
Zitierempfehlung anzeigen
Bitte zitieren Sie diese Seite wie folgt:
Music and Minorities Research Center, "Kadi gjili so gjilabav", Ružake gila, zuletzt besucht am Loading date..., doi.org/10.21939/hbqv-r580
