Jaj de dural, dural
Inkerimata
Rekordingura
E Ruža Nikolić-Lakatos prezentij e gjili paša soste lako rom, o Mišo Nikolić cirdel tala jekh prezentacia ando Interkulttheater ando 1995.
Mužikalno iskiripe
Katja phurani gjili pa le rom si, aj jekhe ženeski pozicia maškaral. Pa konfliktura del duma, aj e gjilabatorka pusavel ande e romane grupos so pasuil paša e prezentaciako konteksto. Šaj avel pala e ‘ungriki’, ‘njamcicki’ vaj ‘Bečeske’ rom. Kakala rekordingura maj butivar angla romani publika denas pe anglal, aj vorta anda kodo si ke le vorbi lašardjile sarso si vi iskirime (ramome).
E Ruža Nikolić-Lakatos aj The Gypsy Family prezentin Jaj de dural, dural me avilem tala jekh prezentacia ando Interkulttheater ando 2002. E publika zurales mišto fogadij (primil) e gjili, butivar maren e vast paše aj lošan. E gjilabatorka formularne baxtjarimatence del palpale.
E Ruža Nikolić-Lakatos aj The Gypsy Family meklas avri katja verzia pala e gjili Jaj de dural, dural me avilem pe pengo CD E trin worbi.
Katja rekordingo pala e gjili Jaj de dural, dural o Mozes F. Heinschink las opre ande Nikolić familiako kher ando 1997. E Ruža Nikolić-Lakatos gjilabel angla slovakicki vendigura (gostura), kon baxtjarimaske vorbenca sikaven ande e gjili, vorbin pe aj vi gjilaben paše pe linejango agor. Kado rekordingo zurales mišto del palpale e tradicionalno prezentaciako konteksto pala loke gjila.
Vorbi
Štrofa 1
| Joj de dural, dural me avilem |
| taj zurales me kjinilem, de hej |
| taj zurales me kjinilem, |
| jaj de taj sa inke voja de kerdem. |
Štrofa 2
| Jaj de kaski voja, phrali, kerav? |
| E lašengi le šavengi, de hej |
| andaj Njamco le Romengi |
| jaj de anda Beči le šavengi! |
Štrofa 3
| Apal phendas: |
| Jaj de ande soste tjo barimo? |
| Kana nipo sa ketane, de hej |
| kana nipo sa ketane |
| jaj de kote e luludja baron. |
Štrofa 4
| Apal tele maro le čerhaja, |
| e čerhaja janda čeri, de hej |
| ande xoji le Romengi |
| jaj de anda Ungro le šavengi. |
Štrofa 5
| Ke kodo šundem, phralam, lendar, |
| ke či sam ame laše šave, de hej |
| či sam ame laše šave |
| jaj de mamo, le mesajake de šave. |
Štrofa 6
| Apal phendas inke jokar: |
| Jaj de tele šudo le papuči |
| taj punrangles me šuvo ma, de hej |
| taj punrangles me šuvo ma |
| jaj de taj sa lenca zumavo ma. |
Štrofa 7
| Jaj de karakteri but koštali-j |
| naj manuš ko pokjinel les, de hej |
| či lovenca, či galbenca, |
| jaj de numaj, phrala, čačimasa. |
Štrofa 8
| Jaj de voja, phrali, bukurija |
| kerel mindig šel ezera, de hej, |
| ke kana e Ruža djilabela |
| le Romengi voja de kerla. |
Štrofa 9
| Apal inke jokar: |
| Ke kana e Ruža djilabela |
| jaj de le Romengi voja de kerla. |
| Sa tumara patjivake! |
Zitierempfehlung anzeigen
Bitte zitieren Sie diese Seite wie folgt:
Music and Minorities Research Center, "Jaj de dural, dural", Ružake gila, zuletzt besucht am Loading date..., doi.org/10.21939/cw04-bs21
