E briga, e briga
- Genre
- langsames Lied
- Thema
- Gefängnislied
- DOI
- doi.org/10.21939/cm1v-6y62
Inkerimata
Rekordingura
E briga, e briga jekh brigaki gjili so phenel pe ande jekhe phangle romeski perspektiva. Vatjij peske dukhajimaske krujalimata aj gindij pe anda peski romnji te lel les avri anda o phanglipe.
Mužikalno iskiripe pala o liloro so phirel paša o CD Amare gila - Unsere Lieder / Our Songs
Ande lovaricko gjilangi tradicia si maj but phanglimaske gjila so phenen pa e dukh e phanglimaski. E briga, e briga si jekh kodolendar. Ande katja gjili, jekh phanglo rom gindij pe anda peski romnji aj mangel latar te slobodisarel les. Numaj iva žukarel, ke e romnji či sikadjol. Xoli aj darajipe vazdjon ande leste, so hamij pe kodolesa, ke sikavel pesko dukhajipe ando phanglipe.
E Ruža Nikolić-Lakatos gjilabel E briga, e briga bi te bašavel pe o gitari paše. E Ursula Hemetek, etnomuzikolokinja kerdas o rekordingo ando 1993.
Komentari
(NUMA NJAMCICKA) E Ruža Nikolić-Lakatos aj lako rom, o Mišo Nikolić, hatjaraven la Ursula Hemetek etnomuzikolokinjasa ke e gjili, E briga, e briga, so inkrel aj sar kerdjilas. Von den te phenen, ke e gjili pe jekh čačikano pecipe vazdjol, aj ke čačes ando phanglipe iskirisardjilas. O rekordingo tala jekh avralune rodimatango interju kerdjilas ando 1992 ando kher la Nikolić familiako.
Vorbi
Štrofa 1
| [Syllables] |
Štrofa 2
| Jaj de i briga, i briga, |
| te šaj xutjilos tu de jaj, |
| te šaj xutjilos tu, |
| sijel me kjidos tu. |
Štrofa 3
| Jaj de ande pelem mamo |
| ando vesedelmo de jaj, |
| ando vesedelmo |
| maškar le falura. |
Štrofa 4
| Jaj de le maj avri, čore, |
| po Del me mangav tut de jaj, |
| na muk, šeje, na muk |
| de čoro te xasajvav. |
Štrofa 5
| Jaj de avel o vonato |
| a Peštako gjoršo de jaj, |
| pe kodo žukarav |
| mura čora gaža. |
Štrofa 6
| Jaj de o vonato reslas |
| taj voj inke niči de hej. |
| Faj ma šingerdas la |
| a Peštako gjoršo. |
Štrofa 7
| Jaj de phari i robija, |
| xal la i pustija de hej, |
| ke bešlem ande, mamo, |
| e but kale beršora. |
Maj but materiali
(NUMAJ NJAMCICKA) de anda 17:57: Komentari pra E briga, e briga aj pra phanglimaske gjila
Zitierempfehlung anzeigen
Bitte zitieren Sie diese Seite wie folgt:
Music and Minorities Research Center, "E briga, e briga", Ružake gila, zuletzt besucht am Loading date..., doi.org/10.21939/cm1v-6y62
