Čori si me naj ma khonik
Inkerimata
Rekordingura
E Čori sim me naj ma khonik maškar a neve gjila šol pe. Katja jekh kamimaski gjili so anda jekha romnjaki perspektiva phenel pe kaj xoxadi sas peske romestar aj akana pale korkorij. O rekordingo anda berš 1991 si aj ando Amerlinghaus sas opre lino. Šaj ašunel pe sar e publika marel e vast paše.
Mužikalno iskiripe
Žikaj e gjili naj vorta khelimaski, laki ritmikalno moda lašarel la kaj te anel ande e publika vaj tapšosa vaj khelimasa. Vorta misto kodoj, ke e Ruža Nikolić-Lakatos butivar gjilabelas la tala peske prezentaciji. E brigake vorbi tordjon mostar e vojake melodiasa. Ande gjilaki nevikani verzia o ritmo ande aristicko drom si kerdo.
Katjaj e nevikani verzia pala e gjili Čori sim me naj ma khonik, so e Ruža Nikolić-Lakatos aj The Gypsy Family mekle avri po CD Gelem, gelem ando 2004.
Komentari
(NUMA NJAMCICKA) Tala jekh prezentacia ando Interkulttheater ando 2002, e Ruža Nikolić-Lakatos del komentari pala e maj nevi verzia pala e gjili Čori sim me naj ma khonik. Voj hatjaravel, ke e nevi verzia lake šavendar sas parudi, specialno le Saschastar, kon lašardas la. Vi kana e tradicionalni gjila si laki šerutni malj (umal), e gjilabatorka avri vazdel ke važno (importanto) si te tradel pe le terne manušenge aj te pasuil pe paša e nevi vrama. Zumavel vi te boldel e vorbi aj pomenij, ke so pharo si vorta te boldel pe anda e romani šib.
Vorbi
Štrofa 1
| Jaj de čori si me, naj ma khonik, |
| ašilem me korkori, |
| e dukhatar e asva |
| i brigatar e gindura |
| feri kodo si ma. |
Štrofa 2
| Soste mange kado trajo, |
| kana sim me korkori. |
| Xoxadas man o šavo, |
| kas kamos anda ilo, |
| ašilem me bi lesko. |
Refreno
| Av palpale tu, |
| t‘avel pale, sa mišto, |
| taj de tu gindo |
| pe amaro kamimo. |
| Me tut kamav, |
| pala tute me merav |
| taj pala tute |
| o trajo dav. |
Štrofa 3
| Ke čori si me, naj ma khonik, |
| ašilem me korkori, |
| e dukhatar e asva, |
| i brigatar e gindura, |
| feri kodo si ma. |
| Sa tumara patjivake, Romale! |
Zitierempfehlung anzeigen
Bitte zitieren Sie diese Seite wie folgt:
Music and Minorities Research Center, "Čori si me naj ma khonik", Ružake gila, zuletzt besucht am Loading date..., doi.org/10.21939/x973-j505
