Bikjindan ma pe lovende
- Genre
- neues Lied
- Thema
- Klagelied
- DOI
- doi.org/10.21939/rgb8-x736
Inkerimata
Rekordingura
E Bikjindan ma pe lovende jekh brigaki gjili so vazdjol pe jekh čačikano pecipe. Jekh terni žuvlji sas dini romeste ande Amerika, maškar rom anda kavera, aj vatjij pesko pharo trajo.
Mužikalno iskiripe pala o liloro so phirel paša o CD Amare Gila - Unsere Lieder / Our Songs
Ande varesave grupura si sokaši (običaji) te potjinen love pe bori. Kajso e bori perel ande e žamutreski familia pala so len pe, kado sokaši (običaji) dičol sar jekh garancia, ke dena la pačiv aj ke šukares grižin la. Numaj ande gjili Bikjindan ma pe lovende, na kade žal, aj e bori phenel ke banges grižin la ande laki nevi familia. Kerel e doš peske dadeski aj daki, kajso lovenge bitjinde la ande jekh streno them aj mangel le te ingren la khere.
Tala jekh prezentacia ando Amerlinghaus ando 1994, e Ruža Nikolić-Lakatos phenel e gjili Bikjindan ma pe lovende, paša soste o Mišo Nikolić bašavel po gitari aj o Moša Šišić pe lavuta.
Pe lengo CD Gelem, gelem, e Ruža Nikolić-Lakatos taj e The Gypsy Family tradine avri jekh verzia la gjilake Bikjindan ma pe lovende tala e titula Amerikaki.
Komentari
(NUMA NJAMCICKA) Ande kako vorbisaripe angla jekh koncerto ando Interkulttheater ando 1993 po oktobro 9to e Ursula Hemetek hatjaravel o konteksto la gjilako Bikjindan ma pe lovende.
(NUMA NJAMCICKA) Tala jekh prezentacia kaj o Amerlinghaus ando 1993, e Ruža Nikolić-Lakatos aj lako rom, o Mišo Nikolić, phenen pa o čačikano pecipe pe soste vazdjol e gjili Bikjindan ma pe lovende.
Vorbi
Štrofa 1
| Jaj de bikjindan ma pe lovende, |
| pe love l’Amerikake. |
| Jaj de bikjindan ma strajinonge, |
| nas tuke mila, dade, misto mande, |
| nas tuke mila, mamo, misto mande. |
Štrofa 2
| Jaj de si ma jekh rom kon marel ma, |
| taj o sokro našavel ma |
| pe vulici l’Amerikake, |
| naj lenge mila, mamo, pala mande |
| naj lenge mila, dade, misto mande. |
Štrofa 3
| Apal phendas: |
| Jaj de vi maren ma vi kušen ma, |
| mamo, pača von či den ma |
| jaj de vi djesenca vi ratjanca, |
| uštjav taj da ma tele e asvenca, |
| uštjav taj da ma tele e asvenca. |
Štrofa 4
| Jaj de žutin, mamo, žutin, dade, |
| na muken man te xasajvav! |
| Aventar ta ingeren ma |
| taj strajinonge, mamo, na muken ma, |
| taj strajinonge mamo na muken ma. |
Vastenge iskirimata le Mišo Nikolićestar
Zitierempfehlung anzeigen
Bitte zitieren Sie diese Seite wie folgt:
Music and Minorities Research Center, "Bikjindan ma pe lovende", Ružake gila, zuletzt besucht am Loading date..., doi.org/10.21939/rgb8-x736
