Ando tunjariko
Inkerimata
Rekordingo
Ande katja gjili jekh mekli žuvlji vatjij pesko dukhajipe. Phenel, ke lako piramno kaverasa naj te avel kade baxtali sarso lasa si, ke feri voj kamela les sa ilestar. O rekordingo ando 1991to berš sas kerdo pe jekh koncerto ando Amerlinghaus.
Mužikalno iskiripe pala o lil Romane gila. Lieder und Tänze der Roma in Österreich.
E gjili Ando tunjariko šindjol anda neve gjila. E Ursula Hemetek, etnomuzikolokinja, kade del pesko komentari pa e gjili:
„Katja gjili jekh si kodolendar so e Ruža, lako šavo o Johnny, aj lako rom vojatar kerde ando Švedo. Unji kotora memoriatar šaj kerde aj mezin vi pe gjila so šaj ašunde varekana. E mekla pirmanjako motivo sikadjol ande but gjila. Laki mužika e maj nevikane gjilangi forma lela. O jekh hatjaripe maškar e gjilabatorka aj o gitaristo vareso lel pe te hatjardjol ande dujto štrofa kitkake.“
Xaing:
- Hemetek, Ursula et al. Romane gila. Lieder und Tänze der Roma in Österreich. (Österreichische Dialektautoren, Hrsg.). Wien: Institut für Volkmusikforschung an der Hochschule für Musik und darstellende Kunst, 1992.
Komentari
(NUMA NJAMCICKA) Ande jekh avralune rodimatango interju, e Manuela Nikolić, e šej la Ruža Nikolić-Lakatosaki aj le Mišo Nikolićeski, del pesko gindo pa so inkrel pe ande gjili Ando tunjariko. Del te phenel ke kado jekh vatjipej.
Vorbi
Štrofa 1
| Ando tunjariko |
| korkoro phirav |
| man korkora pušav |
| sostar muklan ma? |
| Karing te žav, |
| tut te rodav, |
| tut me te dikhav, |
| kenjepšigo po ilo |
| mange te rodav! |
Štrofa 2
| Sostar kodo kerdan |
| taj man muklan tu, |
| sostar man dijardan |
| taj xoxodan tu? |
| Avra dikhian |
| taj la kamlan |
| taj lasa phirdan, |
| maj baxtalo č'avesa, |
| me kodo phenav! |
Štrofa 3
| Ke kodi bax so rodan, |
| soha č' avela, |
| kej voj tut či kamlas |
| taj či kamela, |
| kade sar me |
| tut but kamav |
| taj tut či bristav, |
| mande palpale t'aves |
| e Devlas mangavi |
Patreto
© Gerhard Maurer (1991)
Zitierempfehlung anzeigen
Bitte zitieren Sie diese Seite wie folgt:
Music and Minorities Research Center, "Ando tunjariko", Ružake gila, zuletzt besucht am Loading date..., doi.org/10.21939/pvy3-tw44
