Liedtext: Phurde bajval phurde

paj kopača e patra, hej

te šaj šaradjon de tele

kodoj laše šave.

2. Kurke de teharin

jaj de kodo hiro šundam, hej

kaj bombenca mudarde, mamo

štar romane šaven.

3. Ašile korkora

e but cigne šave, hej

čore taj korkora, mamo

taj vi lengo nipo.

4. Devlam, Devlam, bara,

sostar kodo muklan, hej

te mudaren e gaže, aba

kodoj terne šaven.

5. Bara raja Devlam,

šukares mangav tu, hej

žutin e bute Romenge

taj ker amenge pača.

Žutin e Romenge Devlam

sa pe kadi luma.