Text: Nasvali sim, mamo

Bibliographic Citation: Cech, P., Fennesz-Juhasz, C., Halswachs, D. W., Heinschink, M. F. (Eds.). (2001). Fern von uns im Traum...Te na dikhas sunende...Märchen, Erzählungen und Lieder der Lovara. Lavarenge paramiči, tertenetura taj gjila. Drava. S.364.
Contributor: Petra Cech; Christiane Fennesz-Juhasz; Mozes Heinschink; Dieter W. Halwachs
Creator: Ruža Nikolić-Lakatos
Description: auf Basis eines alten Lovara-Liedes
Publisher: Drava Verlag
Rights Holder: Drava Verlag
Title: Text: Nasvali sim, mamo

Nasvali sim, mamo
o ilo dukhal ma,
jaj de si te merav mamo, hej,
vodj kamav vodj niči.

Jaj žutin mande, mami,
na muk te chasajvav,
terni sim me mamo, hej,
terni sim me inke.

An-ta mange, mamo,
ilesko draboro,
te na dukhal mange, hej,
muro čoro de ilo.

Šero avri birij,
de o ilo niči.
Šero abri birij, hej,
de o ilo niči.

Aj sit e merav, Devlam,
vodj kamav vodj niči,
si te mukav, Devlam, hej,
e šukar ljumica.

Xasajlem-tar, Devlam,
či sama či lema,
chalas ma de Devlam, hej,
e bare gindura.

Soste, Marjom, soste
soste barardan ma?
E bare gindonge, hej,
a bara brigake?

Aj soste, Devlam, soste
či žutis de pe ma, hej?
Te šaj kerav vi me
maj inke vi muri voja!

Gelas-tar i voja,
gelas-tar e šave, hej,
aj ke si te merav, Devlam,
edjedil, korkoro.

Bibliographic Citation: Cech, P., Fennesz-Juhasz, C., Halswachs, D. W., Heinschink, M. F. (Eds.). (2001). Fern von uns im Traum...Te na dikhas sunende...Märchen, Erzählungen und Lieder der Lovara. Lavarenge paramiči, tertenetura taj gjila. Drava. S.364.
Contributor: Petra Cech; Christiane Fennesz-Juhasz; Mozes Heinschink; Dieter W. Halwachs
Creator: Ruža Nikolić-Lakatos
Description: auf Basis eines alten Lovara-Liedes
Publisher: Drava Verlag
Rights Holder: Drava Verlag
Title: Text: Nasvali sim, mamo