1.Kutka tele po fojovo
thovel terni šej gada, hej
gelas late lubihari
les ma phenje vadj hodj niči.
2. Či lav tu me terna Roma
ke si ma jek phral mudarel ma, hej
mudarel ma j'aba phrali
vadj hodj mindjar puške del ma.
Apal phendas:
3.Šaj žutis tu pa tjo bajo
ža j'ando veš xutjil sapes, hej
xutjil sapes mirgešones
taj kjirav les tje phraleske!
4.Laśi ratji te del o Del!
So kjiradan terne Romni, hej?
So kjiradan terne Romni?
Ke vadno saga maladas ma!
5.Trine mašen me xutjildem
do pujonca kjiradem le, hej.
Eta kutka xa te kames
te na pale muk les kote!
6.Kana j'angluni roj xalas
leski jekh šam šargolindas, hej
kana dujto roj zumadas
an-ta phenje muro šerand!
7.Taj či das voj aba šerand
eta phrali e bučuma, hej
eta phrali e bučuma
ke či trajis duj percura.
8.Laši ratji te del o Del!
So kames tu terna Roma, hej
so kames tu terna Roma?
Ke telje šitindem tji vorba!
9.Telješitindem tji vorba
mulo pašjol ande soba, hej
ke mulo pašjol ande soba
či trajindas duj percura.
Apal phendas lake:
10. Či lav tu me terne šeje
ke aj kam vi ma murdaresa, hej
aj kam vi man murdaresa
sar tje čače gugle phrales!
Apal dijajlas i šej:
11.Ušti opre mule dale
taj inger ma pala tute, hej
taj inger ma pala tute
ke čače phrales me mudardem.
