Ande khelimaske gjila le ritmoske bašade len jekh šerutni rola. E vorbi maj telunimaske si, aj butivar tordyon sotagondar (silabondar, slogondar) aj naj len hatjardjuvipe, kajso lengi šerutni funkcia si te pasuin paša o khelipe. Tipikalni sotagura so o glaso zumaven te den palpale si hip hop, hoppa vaj la, la, la. La phurikana mužikaki praktika sas te len vasura so sas le vaj so ušoro šaj aresenas, sar o khoro, e variška vaj e piri, aj kodolenca bašavenas e mužika. Butivar e najenca bašavenas paše vaj marenas e vasta. Ande khelimaske gjila, o ritmo kerdo mujestar, so e glasosa kerenas, sotagura (silabura, slogura) phenenas, aj gjilabimasa phenenas le kaj te pasuin paša o ritmo, aj kodola specialno si te pomenin pe. O ritmo kerdo mujestar sikavel ke sar phandadjol o ritmosko akcento e funkcionalne begevosa, aj grižij pe sar šerutno kotor ande gjila.

Mužikaki struktura

E funkcia e khelimaske gjilangi, sarso vi o anav sikavel, si te pasuin pe paša o khelipe. Butivar 2/4 vaj 4/4 malajimaskej, aj skurci vorbange melodiji si, so vi ande mol aj vi ande dur bašaven pe. E vorbi butivar numaj sotagondar (silabondar, slogondar) tordjon, kaj naj te hatjardjon numaj o hango den palpale. Le temposko sigjaripe perdal e gjili angluno si. Feri e bari voja so rakhel pe ande kadala gjila na numaj e ritmoske paruvimasa hatjaradjol, ale vi cinjarel pe e čače melodiako ritmo.

Xainga thaj maj but informaciji:

• Hemetek, Ursula. Mosaik der Klänge. Musik der ethnischen und religiösen Minderheiten in Österreich. Wien: Böhlau, 2001.
• Fennesz-Juhasz, Christiane. 2011. „Expertise Fennesz-Juhasz. Lieder der Lovara,“ UNESCO Österreich. Lieder der Lovara. Zugriff am 04.03.2024. PDF
• Heinschink, Mozes. F. 2010. „Expertise Heinschink. Lieder der Lovara.“ UNESCO Österreich. Lieder der Lovara. Zugriff am 04.03.2024. PDF