Text: Puter avri, šeje, i zeleno kapuva

Bibliographic Citation: Cech, P., Fennesz-Juhasz, C., Halswachs, D. W., Heinschink, M. F. (Eds.). (2001). Fern von uns im Traum...Te na dikhas sunende...Märchen, Erzählungen und Lieder der Lovara. Lavarenge paramiči, tertenetura taj gjila. Drava. S.354.
Contributor: Petra Cech; Dieter W. Halwachs; Christiane Fennesz-Juhasz; Mozes Heinschink
Creator: Ruža Nikolić-Lakatos
Description: auf Basis eines alten Lovara-Liedes
Publisher: Drava Verlag
Rights Holder: Drava Verlag
Title: Text: Puter avri, šeje, i zeleno kapuva

Puter avri, šeje,
i zeleno kapuva,
muk te tradav ande
vi me mure khuren.

Aj de vi me mure khuren
po zeleno rito,
te šaj kerav, phene,
vi me muri voja.

Jaj de vi me muri voja
e laše šavenca,
te na phenen, phenje,
ke či sim me šavo.

Tordjuv avri, šeje,
šorom leniaba,
sikhav ande, šeje,
savo-j tjo piramno.

Haj de kuko kalo šavo,
phagade balengi,
kon kerel i voja
koran detehera.

Haj de ušti opre, mami,
na sov aba ketji,
andem tuke, mamo,
zeleni šelenge.

Aj de vi čerepo kjindem,
vi anjago andem.
Demokracija avla,
vi kher ipitindem.

Jaj de ibrestevo kerav,
mami, e Romenge,
andem lenge, mami,
vilagoš regeli.

Bibliographic Citation: Cech, P., Fennesz-Juhasz, C., Halswachs, D. W., Heinschink, M. F. (Eds.). (2001). Fern von uns im Traum...Te na dikhas sunende...Märchen, Erzählungen und Lieder der Lovara. Lavarenge paramiči, tertenetura taj gjila. Drava. S.354.
Contributor: Petra Cech; Dieter W. Halwachs; Christiane Fennesz-Juhasz; Mozes Heinschink
Creator: Ruža Nikolić-Lakatos
Description: auf Basis eines alten Lovara-Liedes
Publisher: Drava Verlag
Rights Holder: Drava Verlag
Title: Text: Puter avri, šeje, i zeleno kapuva